भदौ – १० । एकै परिवारका पाँच नेपालीको भारतको हिमाञ्चल प्रदेशमा पहिराेमा परी मृत्यु भएको छ । एकजना घाइते भएका छन् । गत आइतबार सिम्ला जिल्लाबाट १ सय ३० कि.मी टाढामा पर्ने रामपुर शहर नजिकै रहेको बन्द्राली गाउँमा मुसलधारे पानीसँगै आएको पहिराेमा परी एकै परिवारका पाँच जना नेपालीको मृत्यु भएको हो । आइतबार ज्यान गएपनि प्रहरीले भने शुक्रबारमात्रै जानकारी दिएको न्यूकेरला डटकमले जनाएको छ । ‘मृतक सवैको शव भेटिएको छ । जिवितै भेटिएका एकजना बहिरा छन् र उनलाई उपचारका लागि अस्पतालमा भर्ना गरिएको छ ।,’ डेपुटी कमिस्नर रोहन ठाकुरले बताएका छन् । बाढीमा परी ज्यान गुमाउनेमा लछिराम, उनकी श्रीमती र तीनजना बच्चा छन् । उनीहरुको विस्तृत जानकारी भने खुलाइएको छैन ।

India nepali mare Pahiro