भदौ – ११ । प्रत्येक वर्ष शिक्षा दिवसका अवसरमा प्रदान गरिने नेपाल विद्याभूषण पदक अन्तर्गत ‘क’ श्रेणीमा यो वर्ष एक सय ९० जनालाई प्रदान गरिने भएको छ । यस्तै ‘ख’ श्रेणीको पदक ८१ जनालाई र ‘ग’ श्रेणीको पदक १५ जनालााई प्रदान गरिने शिक्षा मन्त्रालय अन्तर्गतको उच्च शिक्षा शाखाले जनाएको छ । यस्तै स्नातक तह तर्फको नेपाल छात्रा विद्यापदक २६ तथा प्रमाण पत्र तह वा सो सरहको नेपाल छात्रा विद्यापदक ४ जनालाई प्रदान गर्ने सो शाखाले जनाएको छ । शाखाले नेपाल विद्याभुषण तथा नेपाल छात्रा विद्यापदकका लागि सिफारिस भएका सबैले भदौ २१ गते बिहान ११ बजेदेखि दिउँसो तीन बजेसम्म शाखामा सम्पर्क गरी बिवरण फरक परे नपरेको सच्याउन समेत सम्बन्धित सबैलाई सूचित गरेको छ । मन्त्रालयले अगामी भदौ २३ गते शिक्षा दिवशको अवसरमा पदक प्रदान गर्नेछ ।

Bidhya Bhusarn Award 2016