भदौ १६ । मैत्रिपूर्ण खेलमा जर्मनीले फिनल्याण्डलाई २–० गोल अन्तरले हराएको छ । घरेलु मैदानमा बिहीबार बिहान भएको खेलमा जर्मनीले फिनल्याण्डलाई २–० ले हराएको हो । पहिलो हाफमा गोलरहित बराबरीमा रोकिएको जर्मनीका लागि ५५ औं मिनेटमा म्याक्स मेयरले गोल गरे । यस्तै ७७ औं मिनेटमा फिनल्याण्डका पाउलुस अराजुउरीले आत्मघाती गोल गरेपछि जर्मनी २–० ले विजयी भयो ।

यसअघि गए राति भएको खेलमा टर्की र रसिया तथा अल्बानिया र मोरोक्कोले गोल रहित बराबरी खेले । यस्तै बेलारुसले नर्बेलाई १–० तथा चेक गणतन्त्रले अर्मेनियालाई ३–० ले हरायो । त्यस्तै अर्को खेलमा आयरल्याण्डले ओमनलाई ४–० तथा डेनमार्कले लिकटेन्स्टाइनलाई ५–० ले हरायो । इस्टोनिया र माल्टाले १–१ को बराबरी खेले ।

football