भदौ – १८ । भारतीय क्रिकेटका भाग्यमानी बलर जाहिर खानले विश्वको सबैभन्दा प्रतिष्ठित क्रिकेट क्लब मेरिलेबोन क्रिकेट क्लब (एमसिसी) को आजीवन सदस्यता पाएका छन् । उनी यो सम्मान पाउने भारतका २४ औं खेलाडी हुन् । क्लबले शुक्रबार विज्ञप्ती सार्वजनिक गर्दै जाहिर क्लबको आजीवन सदस्य भएको जानकारी दिएको हो । जाहिरले भारतबाट ९२ टेस्ट खेल्ने क्रममा ३ सय ११ विकेट लिइसकेका छन् । एमसिसीले यही महिना दुई भारतीय खेलाडीलाई क्लबको सदस्यता प्रदान गरेको हो । यसअघि सेहवागलाई सदस्यता प्रदान गरिएको थियो । ३७ वर्षीय जाहिरले २ सय एकदिवसीय खेल्ने क्रममा २ सय ८२ विकेट पनि लिएका छन् । उनले चोटका कारण गत वर्ष अन्तराष्ट्रिय क्रिकेटबाट सन्यास लिएका थिए ।

indian criceter jahir khan