भदौ – १९ । म्यानचेस्टर युनाइटेडका स्टार खेलाडी जाल्टन इब्राहिमोविच प्रशिक्षक बन्नका लागि योजना तयार पारेका छन् । इब्राहिमोविचले आउँदो वर्षको सुरुसँगै प्रशिक्षक बन्नका लागि तीब्र तयारी थालेको अन्तर्राष्ट्रिय पत्रपत्रिकामा छापिएको छ । खेल जीवनबाट सन्यास लिए लगतै प्रशिक्षको रुपमा फुटबलमै रहने योजनामा ३४ वर्षका इब्राहिमोविच छन् । उनले आउँदो वर्षको सुरुमा प्रशिक्षकका लागि परीक्षा दिने तयारी छ । उनी अझै दुई तीन वर्ष व्यवसायीक फुटबल खेल्ने र त्यसपछि प्रशिक्षक बन्ने योजनामा रहेको म्यानचेस्टर युनाइटेडको स्रोतले बताएको सञ्चार माध्यममा प्रकाशित छ । उनले यस विषयमा म्यानचेस्टर युनाइटेडका प्रशिक्षक जोसे मोरिन्होसँग कुरा पनि गरेको र यसविचमा प्रशिक्षकले सकारात्मक प्रतिक्रिया पनि दिएका छन् । उनले इब्राहिमोविचका लागि प्रशिक्षकको रुपमा ढोका खुल्ला रहेको बताएका छन् ।

jalton ebrihamowich manchester