भदौ - २८ । इंग्लिस प्रिमियर लिग फुटबलमा इभर्टनले सण्डरल्याण्डमाथि सहज जित हात पारेको छ । रोमेलु लुकाकुले ११ मिनेटभित्र हृयाट्रिक गरेका छन् । सोमबार राति भएको खेलमा इभर्टनले सण्डरल्याण्डमाथि ३-० गोल अन्तरको जित हात पारेको हो । सण्डरल्याण्डको घरेलु मैदानमा भएको खेलको पहिलो हाफ गोलरहित बराबरीमा सकिएको थियो । तर, ६० मिनेटमा लुकाकुले इभर्टनको खाता खोले । ६८ औं मिनेटमा दोस्रो गोल गरेका उनले ७१ औं मिनेटमा हृयाट्रिक पुरा गरे । प्रिमियर लिगमा इभर्टनले राम्रो सुरुवात गरेपनि उसका मुख्य खेलाडी लुकाकु गोल गर्न चुकिरहेका थिए । उनले मार्चमा एफए कपको क्वार्टरफाइनलमा चेल्सीविरुद्ध दुई गोल गरेका थिए । त्यसयता ११३९ मिनेटमा खेलेका उनले गोल गर्न सकेको थिएनन्, यद्यपि ४० प्रयास भने गरेका थिए । सोमबार सण्डरल्याण्डविरुद्ध उनले आफ्नो लय समातेका छन् र हृयाट्रिक पुरा गरेका छन् । र, इभर्टनले महत्वपूर्ण ३ अंक हात पारेको छ ।

englih premer ledgue iverton underland