भदौ – ३० । ४२ औं चेस ओलम्पियाडमा नेपालले पदक जित्न असफल रहे पनि आफ्नो वरीयतामा भने सुधार गरेको छ । पुरुष टोली प्रतियोगिता सुरु हुँदा १२७ औँ स्थानमा रहेको नेपाल समाप्तिपछि १२० औँ स्थानमा उक्लिएको छ ।
त्यस्तै महिला टोलीमा ११४ औं स्थानको नेपाल १०९ औं स्थानमा रहेकाे छ ।
एघारौं ताथ अन्तिम चरणमा बुधबार समूह ‘डी’ मा दोस्रो स्थानमा रहेको नेपाली पुरुष टोली इराकसँग पराजित भएको थियो । नेपाल अन्तिम खेलमा ९३ औं वरीयताको ईराकसँग २.५–१.५ अंक अन्तरले पराजित भयो ।
अन्तिम खेलमा केशव श्रेष्ठ, सजिन महर्जन, क्षितिज भण्डारी र विमललाल श्रेष्ठ थिए । जित दर्ता गर्नेमा क्षितिज भण्डारीमात्र रहे र विमललाल श्रेष्ठले भने बराबरी गरे बाकी खेलाडीले भने जित्न सकेनन् ।
सुजना लोहनी पहिलो नेपाली महिला फिडे मास्टर भइन् । उनले नवौं चरण खेलेर ७ अंक बटुलिन् । अहिलेसम्म सातौं ओलम्पियाडमा सहभागी नेपाली खेलाडोको यो व्यक्तिगत उच्च स्कोर हो । यसअघि जर्मनीमा सम्पन्न ओलम्पियाडमा मनीष हमालले साढे ६ अंक बनाएका थिए ।
युवा खेलाडी सजिन महर्जन र क्षितिज भण्डारीले क्यान्डिडेट मास्टर (सिएम) को उपाधि पाए । फिडे मास्टर विलमलाल श्रेष्ठले प्रतियोगितामा राम्रो प्रदर्शन गरे । नवौं चरण खेलेका उनले ६ जित एक बराबरी खेले । यी खेलाडीहरुले आफ्नो रेटिङ समेत सुधारेका छन् ।
एघारौँ चरणमा महिला टोलीले आरुवासँग २–२ को बराबरी खेलेर नेपाल समूह ई मा छैटौं स्थानमा रह्यो ।
चेस ओलम्पियाडको पुरुषतर्फ अमेरिका च्याम्पिनय हुँदा युक्रेन दोस्रो र रुस तेस्रो भए भने महालाको उपाधि चीनले जित्यो । दोस्रोमा पोल्यान्ड र तेस्रोमा युक्रेन रहेका छन् ।
chess olampic
