असोज–१ । जारी इंग्लिस प्रिमियर लिगमा शुक्रबार भएको खेलमा चेल्सीलाई हराउँदै लिभरपुलले जित निकालेको छ ।

लिभरपुलले प्रभावशाली खेल प्रदर्शन गर्दै बलियो टिम चेल्सीमाथि २–१ को जित निकालेको हो ।  चेल्सीको घरेलु मैदान स्टाम फोर्ड ब्रिजमा भएको खेलमा डिजोन लेभरोनले १७ औं मिनेटमा गोल गर्दै लिभरपुरलाई अग्रता दिलाएका थिए । ३६ औं मिनेटमा जोर्डन हेन्डरसनले दास्रो गोल गर्दै अग्रतालाई दोब्बर बनाए ।

चेल्सीका डिफेन्डर डेभिड लुइजको पासलाई खेर जान नदिइ डिएगो कोस्टाले चेल्सीका लागि ६१ औँ मिनेटमा एक गोल गरे । चेल्सीको इंग्लिस प्रिमियर लिगको यो सिजनको पहिलो हार हो । एन्टोनी कोन्टेले चेल्सीको कोचको जिम्मेवारी सम्हालेदेखि यता उनको यो पहिलो हार हो ।