असोज ४ । काठमाडौको जोरपाटी र ललितपुरका केही क्षेत्रमा बम आतंक मच्चिएको छ । नारायणटार पुल पारि दुईवटा बम मंगलबारबिहान पौने चारबजे विष्फोट भए । जोरपाटी क्षेत्रकै विभिन्न विद्यालयहरुमा थप चार वटा बम फेला परेका छन् ।

ती स्थानमा नेपाली सेनाको डिस्पोजल टोली पुगिसकेको छ । नेपाल योङ कम्यूनिस्ट लिग फोर्स नामक संगठनको पर्चा समेत सो क्षेत्रका तीन स्थानमा फेला परेका छ ।

प्रहरीले घटनामा संलग्न रहेको शंकामा दुई जनालाई पक्राउ गरेका छ । तर पक्राउ पर्नेको नाम सार्वजनिक गरिएको छैन ।

लिगले आह्वान गरेको अनिश्चितकालीन बन्दलाई वेवास्ता गरेको भन्दै यसो गरिएको छरिएको पर्चामा उल्लेख छ ।  त्यसै गरी ललितपुरको रेडियन्ट स्कुलमा पनि प्रेसर कुकर बम फेला परेको छ । केही समय अघि सोही स्कुलको बस पनि जलाइएको थियो ।