असोज ०४ । भूपू ब्रिटिस गोर्खाहरुको संगठन गोर्खा भूतपूर्व सैनिक संघ (गेसो) को नयाँ नेतृत्वमा कृष्णकुमार राई चयन भएका छन् । सोमबार अल्डरसटस्थित एम्पायर हलमा सम्पन्न गेसोको दोस्रो साधारणसभाले कृष्णकुमार राईलाई अध्यक्षमा सर्वसम्मतले नेतृत्व सुम्पेको हो । राईले यसअघि गेसो केन्द्रीय समितिको सचिव र उपसभापतिको जिम्मेवारी सम्हालिसकेका छन् । नयाँ कार्यसमितिको उपाध्यक्षमा धर्मबहादुर तामाङ, मणिकिराँत बान्तवा राई, जितबहादुर राई, भक्तबहादुर गुरुङ, कमला गुरुङ, क्षेत्रकला राई र तीर्खबहादुर पुन चयन भएका छन् । त्यसैगरि, महासचिवमा दशरथ राई, सचिव ओमबहादुर गुरुङ (माइला), सहसचिव रगप्रसाद पूर्जा, कोषाध्यक्ष देवीमाया पुन र सहकोषाध्यक्षहरुमा लालकुमारी गुरुङ र कुसुम तामाङ निर्वाचित भएका छन् । साधारण सभाले गेसोको संशोधित विधानलाई समेत पारित गरेको छ । नयाँ विधानअनुरुप केन्द्रीय कार्यसमिति १ सय १९ सदस्यीय हुने नवनिर्वाचित उपाध्यक्ष धर्म तामाङले बताए । गेसोको संस्थापक अध्यक्ष पदमबहादुर गुरुङले २७ वर्षपछि पहिलो पटक राईलाई नेतृत्व हस्तान्तरण गरेका हुन् ।

GESO krishna bahadur rai