असोज ११ । उरीमा भएको आक्रमण पछि महाराष्ट्र नवनिर्माण सेनाका कार्यकर्ताले पाकिस्तानी कलाकारहरुलाई भारत छोड्न ४८ धण्टाको समय दिँदै धम्की दिएका थिए ।

यस धम्कीलाई बलिउडका किङ सलमान खानले कडा शब्दमा जवाफ दिएका छन् । त्यस्तै पाकिस्तानी कलाकाहरुको पक्षमा समेत बोलेका छन् । उनले भनेका छन,‘बलिउड कसैको बाउको जागिर होइन, यहाँ सबैले काम गर्न सक्छन् ।’

सलमान खानले भनेका छन,‘कलाकारले जहाँ पनि काम गर्न सक्छन् । भारतीय निर्देशकहरुले कामका लागि कुनै राष्ट्रको कलाकार लिन सक्छन् । यसलाई कसैले रोक्न सक्दैन ।’

पाकिस्तानी कलाकारको पक्षमा बोल्नु पनि सलमान खानको कारण रहेको छ । पाकिस्तानी अभिनेता फवाद खानलाई लिएर सलमान खान फिल्म निर्माण गर्दैछन् । विभिन्न पक्षबाट धम्कीहरु आउन थालेपछि भारतमा रहेका पाकिस्तानी कलाकारहरु हाल समस्यामा परेका छन् ।

salman khan