रेखा थापालाई तपाईले ह्यारेस गरेर पार्टी छाड्ने स्थितिमा पुर्याएको चर्चा भयो । वास्तविकता के हो  ? 

जनयुद्धको राप र तापले रेखा थापा जस्ता लाखौं जनता माओवादी आन्दोलनमा आए । राजनीतिक उतार चढावआयो । उहाँहरुले सोचेजस्तो सबै कुरा सम्भव भएनहोला । राजनीतिक बक्ररेखामै अघि बढ्छ ।

जहाँसम्म रेखाथापाको बहिर्गमनसँग मलाई जोडेर प्रचार गरिएको छ । यो बिल्कुलै भ्रामक र कपोलकल्पित छ जसरी पनि सञ्चारमाध्यम र सामाजिक सञ्जालमा ममाथि आरोपित गरियो, यो पत्रकारिता नभएर जघन्य अपराध हो । सत्य, तथ्य र प्रमाणबिना मान्छेको चरित्र हत्या गर्नेहरु कानुनको दायरामा आउनुपर्छ ।

सिर्जना त्रिपाठीसँग विवाह गरेर बिना मगरसंग विवाह गर्नु भयो वास्तविकता के हो ?

विगतमा मेरो तर्फबाट प्राविधिक गल्ती भएको हो । जुन कुरा सार्वजनिक रुपमा मैले स्विकार गरेको छु । मेरो प्रष्ट मत छ, कोही अन्यायमा पर्नु हुँदैन । पारिवारिक मामिलामा जे गरेर दुबै पक्षलाई सहज र न्याय हुन्छ, त्यसका लागि म सँधै तयार छ । समस्या आइसकेपछि समाधान खोजेर अधि बढ्नु नै उत्तम हुन्छ । यसलाई दाउपेच वा राजनीतिक लाभ हानीको विषय बनाएर उपर्युक्त निकासमा पुग्नु पर्छ भन्ने लाग्छ ।

आजकाल दुइचार पेग पिउने बानी छ कि बन्द भयो ?

नियमित पिउने बानी कहिल्यै थिएन । एकपटक निदाएको बेला फोटो सार्वजनिक गरेर मेरो चरित्र हत्या गर्ने कोशिस गरियो । म रक्सी पिउँदिन, त्यसबाट बिल्कुल अलग छु, शंकाले लंका जलाउनेहरुका लागि त के जवाफ हुन सक्ला र ?

प्रचण्डपुत्र प्रकाशसँग जनआस्था साप्ताहिकले गरेको कुराकानीमा आधारित

prakash dahal