माघ २ । नोटबुक फिल्मले गतिलो व्यापार त गरेन ‘गाला रातै...’ गीतले हिरोईन नीता ढुंगानालाई मनग्यै चर्चा दिलायो ।

नोटबुक रिलिज भएको पनि ४ वर्ष बित्नै लाग्यो, त्यसपछि नीताले सफलताको स्वाद चाख्न पाएकी छैनन् । बरु फूलै फूलको मौसम तिमीलाई, पार्सल अनि तँ, म र ऊबाट फ्लप फिल्मको ह्याट्रिक गरेकी छन् । आमेश भण्डारीसँंगको ब्रेकअपको पीडामाथि करिअर उभोँ नलाग्दाको चिन्ता थपिएको छ ।

यही कारण हुनुपर्छ नीता न सामाजिक सञ्जालमा सक्रिय छिन्, न फिल्मी जमघटमा । देश विदेशमा हुने अवार्ड समारोहमा हुने अवार्डमा उनको उपस्थिति देखिन्न । तर, लेकसाईडको प्रर्दशन मिति माघ २८ मा तोकिएसँंगै नीता फेरि जुर्मुराएकी छिन ।

कारण, यस फिल्ममा उनी नोटबुककै अभिनेता जीवन लुइैटेलको अपोजिटमा छिन । तर, बिडम्बना के छ भने पछिल्लो समयमा जीवनलाई आफ्नै साख जोगाउन हम्मेहम्मे परिरहेको छ । ओरालो लागिरहेको जीवनले नीताको करियर उभोँ लगाउलान त ? –नेपाल साप्ताहिकबाट