माघ–५ । चिनियाँ प्रिमियर लिगको लागि चिनियाँ क्लबबाट आएको प्रस्ताव म्यानचेस्टर सिटीका मिडफिल्डर याया टाेउरेले अस्वीकार गरेको समाचार बाहिरिएको छ । क्लबले राखेको साताको ४ लाख ३० हजार पाउण्डको महँगो प्रस्ताव टाेउरेले सिधै अस्वीकार गरेको विभिन्न अन्तराष्ट्रिय सञ्चारमाध्यमले जनाएको छ । उनलाई उक्त प्रस्ताव गत गर्मीयामको समयमा राखिएको बताइएको छ । तर अहिले म्यानचेस्टर सिटीमा आफ्नो भविष्य सुनिश्चित नदेखेपछि पुन : सम्पर्क गर्दा क्लबले त्यति नै रकममा टाेउरेलाई भित्र्याउन तयार रहेको सकरात्मक जवाफ दिएको छ । उनको सिटीसँगको अनुबन्धको समयपनि यसै सिजनमा समाप्त हुँदैछ । सिजनको सुरुवातमा टिममा स्थान नपाएपछि उनको भविष्य समाप्त भएको आशंका गरिएको थियो । तर फेरि पुन : टिममा स्थान पाएपछि उनी खेलमा नियमित छन् । तथापि उनी सम्झाैता गर्न अहिले खाली छन् र उनकाे अनुबन्धकाे बारेमा म्यानचेस्टर सिटीले कुनै कुरा अगाडि बढाएकाे छैन ।  टाेउरे २०१० मा सिटीमा आवद्ध भएका थिए ।

चिनियाँ प्रिमियर लिग याया टाउरे