तेरियाको अर्को सफलता, जितिन् ‘डान्स इन्डिया डान्स’ को उपाधी
माघ–७ । नेपालको रुपन्देहीकि तेरिया मगरले भारतको चर्चित टेलिभिजन शो ‘झलक दिखला जा’ को उपाधि जितेकी छिन् । जी टिभीबाट प्रशारण भएको ‘डान्स इन्डिया डान्स’को उपाधी जितिसकेका तेरियाले ‘झलक दिखला जा’मा २ प्रतिस्पर्धीलाई उछिन्दै उपाधि जितेको हुन् । फाइनलमा तेरियाले डीआईडी सिजन १ का विजेता सलमान युसुफ खान र वल्र्ड हिपहप च्याम्पियन सानतुन महेश्वरीलाई पछि पार्दै उपाधि जितेकी हुन् । विशेषगरि, तेरियाको कडा प्रतिस्पर्धा सलमान यूसूफ खानसँग देखिएको थियाे । कडा प्रतिस्पर्धाबीच ‘झलक दिखलाजा’को यस सिजनको उपाधि जित्न समेत सफल भएकी छिन् । भोटिङको आधारमा तेरियाले उपाधी जितेकको सञ्चार माध्यमले जनाएको छ । डान्स शोमा अर्को सफलता पनि हात परेकी तेरियाले कति भोट पाएर जितेको भने खुलेको छैन । तेरियाले उपाधिसँगै तीस लाख भारु र रेनाल्ड डस्टर ब्रान्डको कार पाएकी छिन् । उक्त शो शनिबार बेलुकी कलर्स च्यानलबाट प्रशारण हुनेछ । सन् २०१४ मा भएको ‘डान्स इन्डिया डान्स’ (डीआईडी) सिजन ३ को विजेता बनेपछि हजुरबुवा कृष्णबहादुरमात्रै होइन, सिंगो नेपाल गौरवान्वित बन्यो । डीआईडी सिजन ३ को विजेता बन्नुअघि उनले वेलफेयर क्याराभान नामको संस्थाले आयोजना गरेको कार्यकममा एक लाख रुपैयाँ जितेकी थिइन् । तेरियाका बुवा कतारमा काम गर्छन् । डीआईडीको विजेता बनिसकेपछि तेरिया आमा र दिदीको साथ हाल मुम्बईमा बस्दै आएकी छन् । तीन वर्षका लागि डीआईडीले अनुबन्धित गरेका कारण उनीहरूको अनुमतिबिना हिँड्न मिल्दैन । उनी यति बेला भारतमा अध्ययन गर्दैछिन् । झलक दिखला जा तेरिया मगर
