यमबुद्धको शव चार बजे काठमाडौं आइपुग्ने, अन्त्येष्टि आजै
माघ १५ । र्यापर यमबुद्ध (अनिल अधिकारी)को शव शनिबार अपरान्ह चार बजे नेपाल आइपुग्ने भएको छ ।
एक साता अघि लन्डनस्थित आफ्नै निवासको बाथरुममा झुन्डिएको अवस्थामा फेला परेका र्यापरको अन्त्येष्टि काठमाडौंमै हुने भएपछि उनको शव नेपाल ल्याउन लागिएको हो ।
यमबुद्धका मामा कृष्ण प्रसाइका अनुशार दिउँसो चार बजेसम्ममा शव नेपाल आइपुग्ने भनिएको छ । त्यसपछि अन्तिम श्रद्धाञ्जलिका लागि उनको शव एक घण्टा प्रज्ञा भवनमा राखिनेछ । त्यसपछि पशुपति आर्यघाटमा अन्त्येष्टि गरिने छ ।
यमबुद्धकी पत्नी र सासु शुक्रबार नेपाल आइपुगेका छन् । यमबुद्ध उनका बाबुआमाका एक्ला छोरा थिए । उनका एक दिदी र एक बहिनी छन् ।
Yama Budha
