माघ–१७ । इंग्लिस क्लब म्यानचेस्टर युनाइटेड एफए कप फुटबलको पाँचौ चरणमा प्रवेश गरेको छ । आईतबार राति भएको खेलमा विगानलाई ४–० ले हराउँदै युनाइटेड अघिल्लो चरणमा प्रवेश गरेको हो । युनाइटेडको जितको लागि मारोआन फेलाइनी, क्रिस स्मलिङ, हेनरिक एमखितर्यान र बास्टिएन स्वान्सटाइगरले १–१ गोल गरे । खेलको ४४ औँ मिनेटमा फेलाइनीले गोल गर्दै पहिलो हाफमा युनाइटेडलाई १–० को अग्रता दिलाए । खेलको ५७ औँ मिनेटमा स्मलिङ, ७४ औँ मिनेटमा हेनरिक र ८१ औँ मिनेटमा बास्टिएनले गोल गरेपछि युनाइटेडले ४–० को जित निकालेको हो । त्यस्तै आईतबार नै भएको खेलमा जित हात पार्दै फुलह्याम र मिलवाल पनि अघिल्लो चरणमा प्रवेश गरेको छ ।

एफए कप म्यानचेस्टर युनाइटेड