‘रेस ३’ मा सलमान र ज्याकलीनसँग बबी दिओल पनि देखिने
एजेन्सी । सलमान खान र ज्याकलीन फर्नान्डेज स्टारर फिल्म ‘रेस ३’ मा अब अर्का नायक बबी दिओलले पनि काम गर्ने भएका छन् । सिद्धार्थ मल्होत्राले अफर रिजेक्ट गरेपछि उक्त अफर बबी दिओललाई गएको भारतीय सञ्चार माध्यमले जनाएका छन् ।
बबी यस फिल्ममा एक नयाँ अवतारमा प्रस्तुत हुने फिल्मका निर्माता रमेश तौरानीले बताएका छन् । यो भन्दा पहिला पनि रमेशले बबीसँग ‘सोल्जर’ र ‘नकाब’ जस्ता फिल्ममा काम गरिसकेका छन् । रमेशका अनुसार अहिलेसम्म फिल्ममा तीनजाको नाममात्र फाइनल भएको छ । बाँकीको नाम फाइनल भएपछिमात्र फिल्मबारे औपचारिक घोषणा हुने बताइएको छ ।
उक्त फिल्ममा अमिताभ वच्चनलाई पनि अफर गरिएको थियो । तर, उनले अक्टोबर र नोभेम्बरको समय अर्को फिल्मको लागि दिएका कारण स्वीकार गरेनन् ।
Race 3
