काठमाडौं । गैरआवासीय नेपाली संघ (एनआरएनए)को आठौं अन्तर्राष्ट्रिय सम्मेलन शनिबारदेखि काठमाडौंमा सुरु भएको छ ।

काठमाडौंको होटल हयातमा एनआरएनएको विश्व सम्मेलन राष्ट्रपति विद्या भण्डारीले उद्घाटन गरिन् । सो समारोहमा उपप्रधान एवं परराष्ट्रमन्त्री कृष्णबहादुर महरालगायत उच्च पदस्थ व्यक्तिहरुको पनि उपस्थिति थियो ।

सम्मेलन अन्तर्गत आइतबार बन्दसत्र र सोमबार नयाँ नेतृत्वका लागि निर्वाचन हुने एनआएएनएले जनाएको छ । आगामी नेतृत्वका लागि भवन भट्ट, जमुना गुरुङ र टिबी कार्कीले उम्मेदवारी दिने घोषणा गरेका छन् । एनआरएनएको नयाँ नेतृत्वको कार्यकाल दुई वर्षको हुने व्यवस्था छ ।

सम्मेलनमा विश्वका विभिन्न मुलुकहरुबाट करिब एक हजार ७ सय प्रतिनिधि सहभागी छन् ।