सुरुङ्गा । पूर्व पश्चिम राजमार्गअन्तर्गत झापाको कनकाई नगरपालिका–१ दुर्गापूर सडकखण्डमा आज भएको सवारी दुर्घटनामा एक जनाको मृत्यु भएको छ । 

मृत्यु हुनेमा शिवशताक्षी नगरपालिका–९ का ३० वर्षीय बुद्धिबहादुर राई रहेका छन् । 

पूर्वबाट पश्चिमतर्फ आउँदै गरेको मे १ त ३६५० नंको ट्र्याक्टरले विपरीत दिशातर्फ जाँदै गरेको मे १ प ७९११ नंको मोटरसाइकललाई ठक्कर दिँदा गम्भीर घाइते भएका मोटरसाइकल चालक राईको उपचारका क्रममा बिर्तामोडस्थित बी एण्ड सी अस्पतालमा मृत्यु भएको प्रहरीले जनाएको छ ।