काठमाडौं-  पाकिस्तानका क्रिकेटर सदब खानले नेपाली क्रिकेट खेलाडी सोमपाल कामीको रेकर्ड तोडेका छन् ।

सोमपालले १९ वर्ष १ सय ५१ दिनको उमेरमा अन्तराष्ट्रिय टि २० खेलमा नेपालको लागि विजयी रन लिएकाे रेकर्ड ताेडिएकाे हाे । उनकाे याे रेकर्ड पाकिस्तानी क्रिकेटर सदबले १९ वर्ष २३ दिनकाे उमेरमा श्रीलङ्कासँगको खेलमा विजयी रन लिँदै ताेडेका हुन् ।

शदबको अन्तिम रनले पाकिस्तानले श्रीलङ्काविरुद्धको खेल जितेको थियो । तीन मध्ये दुई खेल जितेको पाकिस्तानले आज तेस्रो खेल खेल्दैछ ।

सोमपालले उक्त रेकर्ड तीन वर्ष अघि टि २० मा बनाएका थिए । साेमपालले अन्तराष्ट्रिय टि २० खेलमा नेपालको लागि विजयी रन लिएका थिए । २०१५ मा नेदरल्याण्ड विरुद्ध भएको शृङखलाको अन्तिम खेलमा सोमपालले उक्त रेकर्ड बनाएका थिए ।