रुसमा हुने सन् २०१८ विश्वकप फुटबलका लागि स्पेन छनौट भएको छ । विश्वकपका लागि युरोपियन क्षेत्रको छनौट अन्तर्गत शुक्रबार राति भएको खेलमा अल्बानियालाई ३–० ले पराजित गर्दै समूह ‘जी’ को शीर्ष स्थानमा रहेर स्पेन रुस विश्वकपका लागि आफ्नो स्थान पक्का गरेको हो ।

स्पेनको जितका लागि रोड्रिगो, इस्को र थिएगोले एक–एक गोल गरे ।

खेलको १६ औं मिनेटमा रोड्रिगोले गोल गर्दै स्पनेलाई सुरुवाति अग्रता दिलाए । त्यस्तै २३ औं मिनेटमा इस्कोले तथा २६ औं मिनेटमा थिएगोले गोल गरेपछि स्पेनले पहिलो हाफमै ३–० को अग्रता बनाएको थियो । दोस्रो हाफमा दुवै पक्षबाट कुनै गोल हुन नसकेपछि स्पेन ३–० ले विजयी भयो ।

समूह ‘जी’ अन्तर्गत राति नै भएको खेलमा इटाली मेसेडोनियासँग १–१ को बराबरीमा रोकिएपछि विश्वकपमा स्थान बनाउनका लागि प्ले–अफ खेल्नु पर्ने भएको छ ।

 

football worldcup