रुसमा हुने सन् २०१८ को विश्वकप फुटबलमा नाइजेरियाले आफ्नो स्थान सुरक्षित बनाएको छ ।

शनिबार राति भएको खेलमा जाम्बियालाई १–० ले पराजित गर्दै नाइजेरिया विश्वकपमा छनौट हुने पहिलो अफ्रिकाको टोलीको रुपमा यात्रा तय गरेको हो ।

वैकल्पिकका रुपमा मैदान प्रवेश गरेका आर्सेनल स्टार एलेक्स इओबीले ७३ औं मिनेटमा गोल गर्दै नाइजेरियालाई विश्वकपमा पुर्याए ।

विश्वकपको अफ्रिका अन्तर्गत छनौट खेलमा समूह ‘बी’ मा रहेको नाइजेरियालाई छनौट हुन एक जितको आवश्यक थियो । नाइजेरिया आफ्नो समूहको विजेता बन्दै रुसमा हुने विश्वकप खेल्ने भएको हो ।