काठमाडौं । काठमाडौंको शान्तिनगरस्थित ॐ शान्ति चोकनजिकै निर्माण व्यवसायी संघका अध्यक्ष शरदकुमार गौचनमाथि गोली प्रहार भएको छ । उनीमाथि दुई राउण्ड गोली हानिएको र दुवै गोली पेटमा लागेको प्रहरीले जनाएको छ । नयाँ बानेश्वरस्थित सिभिल अस्पतालमा उनको उपचार भइरहेको छ ।

गोली प्रहार गर्नेको खोजी भइरहेको प्रहरीले जनाएको छ । गोली हान्नुको कारण थाहा हुन नसकेको प्रहरीले जनाएको छ ।