झापा । एमाले अध्यक्ष केपी शर्मा ओलीलाई पहिलो संविधानसभा निर्वाचनमा झापाबाट हराएका विश्वदीप लिङ्देन नेपाली कांग्रेसमा प्रवेश गर्ने भएका छन् । उनी आज साँझ कांग्रेस प्रवेश गर्दैछन् । लिङ्देनसहित लिम्बुवानका केही कार्यकर्ता र समाजवादीका नेता कांग्रेस प्रवेश गर्दैछन् ।

संघीय समाजवादी फोरमले फेरी झापा ५ बाट उनलाई ओलीविरुद्ध उठाउने निर्णय गरेको भोलिपल्टै लिङ्देन कांग्रेस प्रवेश गर्न लागेका हुन् । लिङ्देनसहित फोरमका केन्द्रीय सदस्य एवम् इलाम जिल्ला अध्यक्ष देवेन्द्र राई पनि कांग्रेस प्रवेश गर्ने भएका छन् । राईलाई इलाममा झलनाथ खनालविरुद्ध उठाउने गरी कांग्रेसले टिकट दिन लागेको हो ।