तिलोत्तमा । विद्यालय जाँदै गर्दा आज विहान विद्यार्थीलाई ट्रकले ठक्कर दिँदा रुपन्देहीमा दुईजनाको मृत्यु भएको छ । 

भैरहवा नवलपरासीको सडकखण्डको रोहणी गाउपालिका–३ छोटी रामनगरमा ट्रकले ठक्कर दिँदा दुईजनाको घटनास्थलमै मृत्यु भएको प्रहरीले जनाएको छ । 

पश्चिम क्षेत्रीय ट्राफिक प्रहरी कार्यालय बुटवलका अनुसार भैरहवादेखि परासीतर्फ जाँदै गरेको लु १ ख ९३५१ नम्बरको ट्रकले साइकलमा घरतर्फ जाँदै गरेका रोहणी गाउँपालिका–२ रामनगरमा ठक्कर दिँदा सोही गाउँपालिका–३ की १२ वर्षीया सन्ध्या प्रजापती र सोही स्थानका १४ वर्षीय मुनिलाल कहारको मृत्यु भएको प्रहरीले जनाएको छ । 

त्यस्तै ठक्करबाट साइकलको पछाडि सवार रहेका दुई जना सामान्य घाइते भएका छन् । घाइतेको भैरहवा मेडिकल कलेजमा उपचार भइरहेको छ । मृतक कहार युनिक स्कुल र प्रजापती रामनरेश माविका विद्यार्थी हुन् ।