सिराहा । कल्याणपुर नगरपालिका–५ स्थित निर्धना घाटमा मोटरसाइकलमा आएका अपरिचित २ जनाले गोली प्रहार गर्दा अस्थाई प्रहरी चौकी चिकनामा कार्यरत प्रहरी जवान मायाराम यादव र सोही चौकीमा कार्यरत चन्द्रअयोध्यापुर–७ का म्यादी प्रहरी आर्दश कुँवर आइतबार गोली लागेर घाइते भएका छन् ।

उनीहरुलाई उपचारको लागि फुलकुमारी मेमोरियल अस्पताल कर्जन्हा लगिएकोमा सामान्य उपचार पश्चात थप उपचारको लागि काठमाडौं रिफर गरिएको छ । उक्त चौकीबाट प्रहरी जवान मायाराम यादवको कमाण्डमा ६ जना म्यादी प्रहरी सहित गस्तीमा खटिएको अवस्थामा गोली प्रहार भएको हो । फरार व्यक्तिहरुको खोजी गर्नुको साथै घटनाका सम्बन्धमा प्रहरीबाट आवश्यक अनुसन्धान भइरहेको छ ।