काठमाडौं । २०४८ सालको आम निर्वाचनका क्रममा गिरिजाप्रसाद कोइरालालाई जिताउन बुथ कब्जा गर्ने क्रममा ‘डा. शेखर कोइराला पक्राउ परेको’ भन्ने दावी गर्दै सार्वजनिक भएको एक तस्बीरले धेरैको ध्यान तानेको छ ।

प्रतिनिधि सभाका लागि मोरङ क्षेत्र नम्बर ६ का उम्मेदवार कोइरालाको प्रमुख प्रतिद्वन्द्वी नेकपा एमालेका नेता लालबाबु पन्डीत छन् । यो तस्बीर अहिले लालबाबु पन्डीत समर्थकहरुका लागि पनि राम्रो मसला बनेको छ ।

डाकाहरुको मिलेमतोमा बुथ कब्जा गर्ने क्रममा डा. कोइरालालाई स्थानीयले समातेर हात बाँधेर उनीहरुकै साथमा रहेको पेस्तोल मुखमा कोचेर फोटो खिचेको बताइन्छ ।

यो तस्बीर यस अघि पनि सार्वजनिक भइसकेकोले नौलो होइन भन्नेहरु पनि छन् । तस्बीरमा रातो गम्छा लगाउने कोइराला हुन् – भनिएको छ ।