काठमाडौं । चलचित्र निर्देशक नारायण पुरीको बहुप्रतिक्षीत टेलिभिजन कार्यक्रम ‘सूत्रधार’ चाँडै नै प्रशारणमा आउने भएकोछ । कार्यक्रम हिमालय टेलिभिजनमा प्रशारण हुनेछ । सो टेलिभिजनका पूर्वप्रमुख कार्यकारी निर्देशक समेत रहेका पुरीले फरक विषयवस्तु कार्यक्रम सूत्रधारमा समेट्ने बताएका छन् ।

कात्तिक २७ गते बुधबार साँझ सात बजेदेखि प्रशारण हुने सूत्रधार साप्ताहिक कार्यक्रम हो । कार्यक्रमका निर्देशक सुदीप खनाल, लेखक राजेश ढकाल र निर्माता निर्जल बस्नेत रहेका छन् । सूत्रधारका निर्देशक खनालले भने, ‘समाजका चोटीला घटनाहरुलाई कार्यक्रममा समेट्ने प्रयास गरेका छौं । आशा छ, दर्शकले मन पराइदिनु हुनेछ ।’