सुर्खेत । कांग्रेस नेता पूर्णबहादुर खड्का सुर्खेत १ बाट पराजित भएका छन् । एमाले उम्मेदवार ध्रुबकुमार शाहीसँग उनी पराजित भएका हुन् । शाही ३६७५९ मत ल्याएर विजयी भएका हुन् । खड्काले ३३ हजार ३ सय ७७ मत पाए ।

निष्ठा र इमानको राजनीति गर्दै आएका खड्काले जित्ने धेरैको अपेक्षा थियो । उनले सो क्षेत्रमा प्रशस्त विकासका काम पनि गरेका थिए । तर, बामगठबन्धनका कारण उनी पराजित भएका हुन् ।

२०४८ सालदेखि उनी लगातार सांसद थिए । कांग्रेस सहमहामन्त्रीसमेत भइसकेका उनी पूर्वगृहमन्त्रीसमेत हुन् ।