एसीसी अन्डर १६ इस्टर्न रिजनल प्रतियोगिताकाे उपाधि नेपालले जितेकाे छ ।

थाइल्याण्डमा अाइतबार सम्पन्न भएकाे फाइनल खेलमा सिंगापुरलार्इ ७१ रनले हराउँदै नेपालले उपाधि अाफ्नाे नाममा गरेकाे हाे । नेपालले दिएकाे १ सय ८४ रनकाे लक्ष्य पछ्याएकाे सिंगापुर ३१ अाेभर १ बलमा सबै विकेट गुमाएर १ सय १२ रनमात्र बनाउन सफल भयाे । नेपाललार्इ जित दिलाउन सूर्य तामाङ र अजयकुमार लोनियाले समान ३–३ विकेट लिए ।

यसअघि ब्याटिङ गरेकाे नेपालले निर्धारित ३५ अाेभरमा ६ विकेट गुमाएर १ सय ८३ रन बनाएकाे थियाे । नेपालका लागि विशालविक्रम केसीले सर्वाधिक ६३ रन बनाए भने नट अाउट रहेका नारायण जाेशीले ४६ रन बनाए । त्यस्तै सुवास एेरले २२, तृतराज दासले १९ र सुनिल भण्डारीले १५ रन बनाए ।

नेपालले उक्त प्रतियाेगितामा अपराजित रहेर उपाधि जित्न सफल भएकाे हाे ।