उदित नारायण झाको परिवारसँग निरुताको हिमचिम
काठमाडौं । नेपाली सिने नगरीका कुनै समयका कतिपय हिट नायिकाहरु अहिले मिडियामा आक्कल झुक्कल देखा पर्छन् । कति विदेशिएका छन् भने कति विवाह गरेर घरजममै व्यस्त छन् । तीमध्येकी नायिका हुन् निरुता सिंह । हाल उनले बलिउड गायक उदित नारायण झाका परिवारसँगको फोटो सार्वजनिक गरेकी छिन् ।
निरुता झण्डै एक दशकदेखि भारतमै बस्दै आइरहेकी छिन् । नेपाली फिल्ममा आफ्नो व्यस्तता र चर्चाले विश्राम नपाउँदै भारत प्रस्थान गरेकी निरुता ठूलोपर्दाबाट टाढा रहेको थुप्रै समय भइसक्यो ।
आफ्नो आधिकारिक इन्स्टाग्रामबाट निरुताले उदित नारायण झाका परिवारसँगको तस्विरहरु हाल्ने गरेकी छिन् । उदितको घरमा हुने कुनैपनि विशेष समारोहमा निरुता छुटेकी हुँदिनन् । जुन कुरा उनले हाल्ने गरेका फोटोले नै प्रष्ट पार्छन् ।
