‘फिर्के’ को रोमान्टिक गीत सार्वजनिक (भिडियोसहित)
काठमाडौं । आगामि पुष २१ गतेबाट देशैभर प्रदर्शनमा आउन लागेको फिल्म ‘फिर्के’को रोमान्टिक गीत सार्वजनिक भएको छ । गीतमा विश्व नेपाली र जुना प्रसाइँको स्वर रहेको छ भने रामशरण नेपालीको शब्दमा गायक विश्वले नै संगीत भरेका छन् ।
‘सानी सानी’ बोलको गीतको भिडियोमा फिल्मका कलाकार सुलेमान शंकर ‘ईकु’ र नव-नायिका क्रिष्टिना पौडेलले अभिनय गरेका छन ।
यसअघि फिल्मको ट्रेलर र अर्को एउटा गीत सार्वजनिक भइसकेको छ । चलचित्रमा अर्पण थापा, सुलेमान शंकर, ऋचा शर्मा, क्रिष्टिना पौडेल, बिष्णु सापकोटा, अर्जुन गुरुङ्, उज्ज्वल भण्डारी, पुरन थापा लगायतका कलाकारहरुको अभिनय हेर्न सकिन्छ ।
