काठमाडौं । काठमाडौंमा जारी एभरेष्ट प्रिमियर लिग इपिएल क्रिकेटबाट चितवन टाइगर्स समूह चरणबाटै बाहिरिएको छ ।

मंगलबार भएको खेलमा भैरहवा ग्ल्याडियटर्ससँग ४ विकेटले पराजित भएपछि चितवन समूह चरणबाटै बाहिरिएकाे हो । चितवनलाई हराउने भैरहवा समूह उपविजेता बनेको छ । भैरहवा यसअघि नै अघिल्लो चरणमा पुगेको थियो । अहिले ललितपुर प्याट्रियोट्स र पोखरा राइनोजबिच प्रतिस्पर्धा भैरहेको छ ।

आजको पहिलो खेलमा चितवन पराजित भएपछि पोखरा राइनोज पनि अघिल्लो चरणमा पुगेको छ । पोखरासँगको खेल फराकिलो अन्तरले नहारेमा ललितपुर पनि अघिल्लो चरणमा पुग्ने छ ।