स्वर्गीय नायक श्रीकृष्ण श्रेष्ठको आज जन्मदिन । २०२७ पुष १४ गते जन्मिएका श्रीकृष्ण श्रेष्ठ एक चर्चित् नाम हो । स्वर्गीय नायक श्रेष्ठले थुप्रै फिल्ममा अभिनय गरेका थिए । उनका प्राय जसो फिल्मले सफल्ता हात पारेको छ ।

श्वेता र श्रीकृष्णको २०७१ साल असार २३ गते विवाह भएको थियो । दुईले 'कहाँ भेटिएला' र 'कोहिनूर' फिल्म एकसाथ गरेका थिए । श्रीकृष्णको निधनपछि लामो समयसम्म शोकमा डुबेकी श्वेताले 'कान्छि' मार्फत पुनः नेपाली फिल्ममा कमब्याक गरेकी छिन् । 'कान्छी' फागुन ४ गतेबाट प्रदर्शनमा आउँदैछ ।

श्रेष्ठको २०७१ साउन २५ गते हाडको क्यान्सरका कारण भारतमा निधन भएको थियो । प्रत्येक वर्ष श्रीकृष्णको जन्मदिनमा उनकी श्रीमती तथा अभिनेत्री श्वेता खड्काले समाज सेवा गर्दै आइरहेकी छिन् । यसपटक भने श्वेताले युट्युबमा एक भिडियो अपलोड गर्दै श्रीकृष्णलाई भावुक श्रद्धाञ्जली दिएकी छिन् । उनले भिडियोमा भनेकी छिन्, 'म तिम्रो कला यात्रामा हिँडेका पैतालाका डाबहरु पछ्याउँदै हिँडिरहेकी छु । तिम्रो आर्शिवादले सबैको साथ र माया पाएकी छु । फेरि नयाँ जीवन पाएकी छु ।' 

Shree Krishna