२०१७ मा कुन बलिउड सुपर स्टार सफल ?
नयाँ वर्ष सुरु हुन लागेसँगै यतिबेला भारतमा वर्ष २०१७ मा कुन नायकको फिल्म चल्यो र कस्को चलेन भनेर चर्चा हुन थालिसकेको छ । यस वर्ष केहि फिल्मले सफल्ता पाएका छन३ भने केहि फिल्महरु चल्न पनि सकेनन् । अब चर्चा गरौँ को अभिनेताको फिल्मले कस्तो सफल्ता अनि असफल्ता हात पार्यो भनेर ।
बलिउडका चर्चित कलाकारहरु शाहरुखखान, सलमान खान, आमिर खान, अक्षय कुमार र अजय देवगन लगायतको फिल्महरु वर्ष २०१७ मा आएका थिए । उनीहरुको फिल्मलाई दर्शकले मन पनि पराए । तर यो वर्ष यी कलाकारको अभिनयमा केहि कमी भने दर्शकले महसुस गरेको प्रतिक्रियाहरु पनि बाहिरिएका छन् । केहि फिल्मलाई दर्शकले मन नपराएका पनि थिए । तर पनि यी कलाकारको नामै काफि भनेर धेरै दर्शक फिल्म हेर्न हल सम्म पुगेका थिए । जस्ले गर्दा यी कलाकारको कमाईमा सफल्ता हात पार्न पुग्यो ।
आमिर खान
बलिउड फिल्म क्षेत्रमा एक सफल कलाकारको रुपमा परिचित नाम हो, आमिर खान । प्राय खानको सबै फिल्मले बक्स अफिसमा रेकर्ड पनि तोड्न सफल भएका छन् । यस वर्ष आमिरले खेलेको एउटा मात्र फिल्म दंगल हो । जुन फिल्म हिट भएको छ । प्राय जसो आमिर फिल्म खेल्दा सोचेर खेल्ने कलाकारको रुपमा पनि चिनिन्छन् । जस्ले सफल्ता पनि हात पार्ने गरेको छ ।
शाहरुख खान
फिल्म क्षेत्रमा एक सफल कलाकारको नामको रुपमा नै शाहरुख खान चिनिएका छन् । यस वर्ष शाहरुख खानद्धारा अभिनय गरिएको फिल्म रईस आएको थियो । यस फिल्ममा शाहरुख खानको लुक्सलाई लिएर बढि चर्चा गरिएको छ । फिल्मले गरेको व्यापारलाई हेर्दा सफल्ता हात पारेकै देख्न सकिन्छ ।
अजय देवगन
अजय देवगनको फिल्म गोलमाल अगेन यस वर्ष रिलीज भएको हो । कमेडि फिल्म गोलमाल अगेनले पनि फिल्म क्षेत्रमा राम्रै व्यापार गर्न सफल भएको छ । फिल्मले दर्शकलाई धेरै हँसाएको प्रतिक्रिया दर्शकले दिएका छन् ।
अक्ष्य कुमार
एक सफल नाम अक्ष्य कुमारको चर्चा यो वर्ष पनि उतिकै गरेको पाईएको छ । अक्ष्य कुमारले यस वर्ष २ वटा फिल्ममा अभिनय गरेका छन् । २ वटा फिल्म ले नै सफल्ता हातपारेको छ । फिल्म ट्वाइलेट एक प्रेमकाथा र अर्को फिल्म जोली एलएलबी २ दुवै वटा फिल्मले यस वर्ष राम्रै सफल्ता हात पारेको हो ।
सलमान खान
यस वर्षभरी नै सलमान खानले चर्चा पाएका छन् । चाहे सलमानको फिल्म आओस् या नआओस् उनको चर्चा भने हुनेनै गरेको छ । यस वर्ष सकिनै लाग्दा सलमानको फिल्म टाइगर जिन्दा हे ले राम्रै सफल्ता हात पार्न सफल भएको छ । यस फिल्मले बक्स अफिसमा राम्रो व्यापार गरेको हो । कतिपय त सलमानलाई हेर्न मात्र भएनी हलसम्म जाने गरेका छन् । तर सलमानको यो फिल्मले भने ठुलै चर्चा पाएको छ ।
