माघ २० । कोपा डेल रे फुटबलको सेमिफाईनलको पहिलो लेगमा बार्सिलोनाले एथ्लेटिको मड्रिडलाई २–१ ले पराजित गरेको छ । एथ्लेटिकको घरेलु मैदानमा बार्सिलोनका लागि लुईस सुआरेज र मेसीले गोल गरे ।

खेलको ७ औ मिनेटमा सुआरेजको गोलबाट अग्रता लिएको बार्सिलोनाका लागि ३३ औ मिनेटमा मेसीले दोस्रो गोल गरेका थिए । ५९ औ मिनेटमा घरेलु टोलीका लागि एन्टोनी ग्रिजम्यानले गोल गर्दै दोस्रो लेगको खेलमा फर्कने सम्भावना जिवितै राखेका छन ।

त्यस्तै प्रिमियर लिगमा म्यान्चेष्टर सिटीले वेष्ट ह्यामलाई ४–० गोल अन्तरले पराजित गरेको छ । ब्राजिली फुटबलका युवा स्टार जिससको प्रभावशाली प्रर्दशनसंगै सहज जित निकाल्दै म्यान्चेष्टर सिटीले चौथो स्थानको लिभरपुलसंग अंक बराबरी गरेको छ ।

समान ४६ अंक भएपनि लिभरपुल गोल अन्तरका आधारमा चौथो र म्यान सिटी पाँचौ स्थानमा छन । त्यस्तै गए राति भएको अर्को खेलमा म्यान्चेष्टर युनाईटेड भने गोल रहित बराबरीमा रोकिएको छ । घरेलु मैदान ओल्डट्राफोडमा भएको खेलमा युनाईटेड, हल सिटीसंग गोल रहित बराबरी खेल्दै अंक बाडेको छ । छैटौ अर्को खेलमा एर्भटनले स्टक सिटीसंग १–१ गोलको बराबरी खेलेको छ ।

barsa