फागुन–२ । इंग्लिस प्रिमियर लिगमा चेल्सीले बढी अंकको अग्रता लिने मौका गुमाएको छ । लिगअन्तर्गत आइतबार राति भएको खेलमा शीर्ष स्थानको चेल्सी बर्नलीसँग १–१ को बराबरीमा रोकिएपछि १२ अंकको अग्रता लिने मौका गुमाएको हो । खेलको सातौँ मिनेटमै पेड्रोको गोलबाट सुरुवाति अग्रता लिए पनि चेल्सीले जित भने निकाल्न सकेन । चेल्सीले लिएको अग्रतालाई बराबरीमा ल्याउन बर्नलीका रोबी बेड्रीले २४ औं मिनेटमा गोल गरे । बराबरीपछि शीर्ष स्थानको चेल्सीको २५ खेलबाट ६० अंक भएको छ भने २५ खेलबाट ३० अंक जोडेको बर्नली १२ औं स्थानमा छ । शीर्ष स्थानको चेल्सीको दोस्रो स्थानको टोटनह्यामभन्दा १० अंक बढी छ ।

इंग्लिस प्रिमियर लिग चेल्सी बर्नली