फागुन–९ । पूर्वपश्चिम राजमार्गअन्तर्गत सप्तरीको जन्डोलमा भएको माइक्रोबस दुर्घटनामा परी १६ जना यात्रु घाइते भएका छन् । काठमाडौँबाट काँकडभिट्टातर्फ जाँदै गरेको बा ३ ख ८२८७ नंको माइक्रोबस दुर्घटना हुँदा सुनसरी सोनापुर–२ का वीरेन्द्र साह, उनकी पत्नी मधुदेवी साह, सुनसरी रामनगर भुटाहा–७ का मोहमद नजिव, र मोहमद सुभान मियाँ, मोरङ केराबारी–२ का फणीन्द्र रोक्का, मोरङ रङ्गेली नगरपालिका–५ का रमेशकुमार साहलगायत १६ जना घाइते भएको इलाका प्रहरी कार्यालय रुपनीले जनाएको छ । गम्भीर घाइतेको विराटनगरस्थित न्युरो अस्पताल र सामान्य घाइतेको सप्तरीको रुपनगरस्थित धर्मेश्वर अस्पतालमा उपचार भइरहेको जिल्ला प्रहरी कार्यालय सप्तरीले जनाएको छ । माइक्रोबसका चालक फरार रहेको र उनको खोजी भइरहेको पनि प्रहरीले जनाएको छ । रासस

पूर्वपश्चिम राजमार्ग माइक्रोबस दुर्घटना सप्तरी