फागुन–९ । सुदूरपश्चिम–११ स्पोर्टस् क्लबले दोस्रो संस्करणको ‘खप्तड गोल्ड कप फुटबल प्रतियोगिता’को पुरस्कारको राशि दोब्बर पारेको छ । आगामी वर्ष हुने दोस्रो संस्करणको गोल्ड कप प्रतियोगिताका विजेतालाई ११ लाख ११ हजार १ सय ११ तथा उपविजेतालाई पाँच लाख ५५ हजार ५ सय ५५ पुरस्कार प्रदान गरिने सोमबार आयोजित पत्रकार सम्मेलनमा क्लबका अध्यक्ष सुरेश हमालले जानकारी दिए । गत पुस २१ देखि माघ १ गतेसम्म यहाँ सञ्चालन भएको पहिलो संस्करणको विजेता मनाङ मस्र्याङ्दीलाई पाँच लाख तथा उपविजेता सङ्कटालाई दुई लाख ५१ हजारसहितको पुरस्कार दिइएको थियो । पत्रकार सम्मेलनमा पहिलो संस्करणको प्रतियोगिता आयोजना गर्न भएको रु ७८ लाख १६ हजारको आयव्यय विवरणसमेत सार्वजनिक गरिएको थियो । रासस

खप्तड गोल्ड कप पुरस्कार