---

फागुन–१२ । नेपाली मूलका ब्रिटीश नागरिक विभेश गुरुङले प्रिमियर लिग क्लब क्रिस्टल प्यालेसबाट खेल्ने भएका छन् । केन्टअनलाईनको अनुसार उनले गृहनगरको क्लब युनाइटेडबाट पाएको छात्रवृत्ति स्वीकारेका हुन् । उनी क्लबमा जुलाईबाट आबद्ध हुनेछन् । १६ वर्षमुनिको खेलाडीको रुपमा युनाइटेडमा खेलिरहेका गुरुङले सम्झौतापत्रमा हस्ताक्षर पनि गरिसकेका छन् । उनी क्रिस्टल प्यालेसमा ५ महिनासम्म परीक्षणकालमा रहनेछन् । उनले आफूलाई मौका दिएकोमा गृहनगरको क्लब युनाइटेडलार्इ धन्यवाद दिएका छन् ।

इंग्लिस प्रिमियर लिग क्रिस्टल प्यालेस विभेश गुरुङ