फागुन १३ । पछिल्लो समय नायिका स्वस्तिमा खड्का ‘राष्ट्रिय भाउजु’को उपाधिले सामाजिक सञ्जालमा निकै चर्चित छिन् । उनी अभिनीत फिल्म ‘लभ लभ लभ’ को ट्रेलर सार्वजनिक भएको छ ।

फिल्म ‘होस्टल रिटन्र्स’ बाट फिल्ममा डेब्यु गरेकी स्वस्तिमाका यो दोस्रो फिल्म हो । निर्देशक निश्चल बस्नेतसँग विवाह बन्धनमा बाँधिएकी स्वस्तिमा विवाह पछि पनि फिल्म र मोडलिङमा उत्तिकै सक्रिय देखिन्छिन् ।

फिल्म बैशाख १ गते रिलिज हुने बताइएको छ । फिल्मको निर्देशन चपली हाईट, भिजलान्ते तथा पशुपतीप्रसादजस्ता हिट फिल्म दिइसकेका निर्देशक दिपेन्द्र के खनालले गरेका हुन् ।