फागुन–१३ । बङ्गलादेशमा जारी दोस्रो शेख कमल अन्तराष्ट्रिय क्लब कप फुटबलमा नेपालको मनाङ मस्र्याङ्दी क्लब सेमिफाइनलमा पुगेको छ । समूह ‘बि’ अन्तरगत शुक्रबार भएको खेलमा बंगलादेशको मोहमोदेन स्पोटिङ क्लबले अफागानिस्तानको शाहिन आस्मयीलाई २–१ गोल अन्तरले हराएपछि हेड टु हेडका आधारमा मनाङ सेमिफाइनलमा पुगेको हो । मनाङ र मोहमोदेन दुबैको चार चार अंक भए पनि मनाङले मोहमोदेनलाई हराएकाले मनाङ सेमिफाइनलमा पुगेको हो । समूह ‘ए’ बाट टिसी स्पोर्टस् क्लब माल्दिभ्स र दक्षिण कोरियाको पोचियोन सिटिजन एफसी सेमिफाइनलमा प्रवेश गरिसकेका छन् । मनाङले सेमिफाइनलमा टिसी स्पोर्टस् क्लबसँग खेल्नेछ । शुक्रबार नै भएको खेलमा मनाङ मर्स्याङ्दी क्लबले बंगलादेशको चटगाउँ अवहानी क्लबसँग दुई दुई गोलको बराबरीमा खेलेको थियो । मनाङले सेमिफाइनलका लागि भने बंगलादेशको मोहमोदेन स्पोटिङ क्लब र अफगानिस्तानको शाहिन आस्मयीबिच हुने खेलको नतिजा पर्खनुपर्ने थियाे र माेहमाेदेनकाे जित अावश्यक थियाे ।