एजेन्सी । बलिउडका सुपरस्टार अमिताभ बच्चनले बेलायती महारानी एलिजावेथले दिएको रिसेप्सनको प्रस्ताव अस्वीकार गरेका छन् । उनलाई महारानी एलिजाबेथ र एडिनबर्गका राजकुमारले बेलायत-भारत संस्कृतिक वार्षिक उत्सवमा निमन्त्रणा दिएका थिए ।

बेलायतका राजपरिवारबाट विशेष निमन्त्रणा पाएका बच्चनले आफ्ना केही कामका कारण उक्त निमन्त्रणा स्वीकार गर्न सकेनन् । हाल उनी आफू अभिनित फिल्म ‘सरकार ३’ को ट्रेलर सार्वजनिक गर्न काममा व्यस्त छन् । ‘सरकार ३’ को ट्रेलर मार्चको पहिलो हप्ता सार्वजनिक हुने बताइएको छ ।