फागुन–१६ । बङ्गलादेशमा जारी दोस्रो शेख कमल अन्तराष्ट्रिय क्लब कप फुटबलमा नेपालको मनाङ मस्र्याङ्दी क्लब सेमिफाइनलमा १-० ले पराजित भएको छ । सोमबार भएको सेमिफाइनल खेलमा मनाङ माल्दिभ्सकाे टिसी स्पोर्टस् क्लबसँग पराजित भएकाे हो । टिसी स्पोर्टसको लागि नाफियू अलीले ८३ अाैं मिनेटमा गाेल गर्दै जित दिलाए । टिसी स्पाेर्टसका गाेलरक्षक भने नेपालकै राष्ट्रिय खेलाडी किरण चेम्जाेङ थिए । समूह ‘बि’ अन्तरगत शुक्रबार भएको खेलमा बंगलादेशको मोहमोदेन स्पोटिङ क्लबले अफागानिस्तानको शाहिन आस्मयीलाई २–१ गोल अन्तरले हराएपछि हेड टु हेडका आधारमा मनाङ सेमिफाइनलमा पुगेको थियो । मनाङले समूह चरणको पहिलो खेलमा मोहमोदेन स्पोर्टिङ क्लबलाई २–० ले पराजित गरेको थियो भने दोस्रो खेलमा अफगानिस्तानको शाहिन आस्मयीसँग ३–१ ले पराजित भएको थियो । त्यस्तै तेस्रो खेलमा बंगलादेशको चटगाउँ अवहानी क्लबसँग दुई दुई गोलको बराबरीमा खेलेको थियो । दोस्रो समिफाइनलमा भने समूह ए बाट दक्षिण कोरियाको पोचियोन सिटिजन एफसी र समूह बी बाट बंगलादेशको चटगाउँ अवहानी क्लबबीच खेल हुनेछ ।

मनाङ मस्र्याङ्दी शेख कमल अन्तराष्ट्रिय कप