राजा महेन्द्रको कू भोगेका नेम्वाङ, सेनाबाट कसरी आए ब्रिटिस गोर्खा नेपाली परिषदमा (भिडियो)
नेपालीहरुको पक्षमा वकालत गर्ने संस्था ‘ब्रिटिस गोर्खा नेपाल परिषद्’को नाम धेरै सुन्ने गरिन्छ । सन् २०१५ मा स्थापना भएको यो संस्थाले छोटो समयमा नै ठूलो प्रभाव पार्न सफल भएको हो । पूर्वब्रिटिस सैनिक एकराज नेम्वाङ अध्यक्षतामा जन्मेको यो संस्थाले विशेष गरि गोर्खा समुदायसँग नजिक रहेर नेपालीहरूकाे हकहितका लागि आवज उठाउँदै आएको छ । पाँचथरमा जन्मेर संघर्ष गर्दै ब्रिटिस सैनिकसमेत रहेका ब्रिटिस गोर्खा नेपाल परिषद्को संस्थापक अध्यक्ष नेम्बाङ राजाले कु गरेर पञ्चायती शासन सुरू गर्दा उनी भर्खरै बुझ्ने भएका थिए । २०१७ सालमा राजा महेन्द्र शाहले जननिर्वाचित सरकारविरुद्ध कु गर्दा बीपी कोईराला प्रधानमन्त्री थिए । राजा महेन्द्रले जननिर्वाचित प्रतिनिधिलाई हटाएर पञ्चायती व्यवस्था सुरु गरेपछि राजनीतिक माहोल तात्यो । नेम्बाङका बाजे भुमीबिक्रिम नेम्वाङ राजा विरोधी थिए । उनले राजाविरुद्ध हतियार उठाएर संर्घष गरे । हतियार उठाएकै कारण उनका बाजेको सम्पती र जग्गा जमिन कब्जा सरकारले र्गयो । उनको परिवार बिल्लीबाठ भयो । उनले आफूलाई राजनीतिक पीडित परिवारको सदस्य भन्न रुचाउछन् । पीडित परिवारको भएकाले उनको बाल्यकाल राम्रोसँग बित्न पाएन । एसएलसीसम्म उनले पाँचथरमै गरे । त्यसपछिको पढाइलाई बिट मार्दै उनले ब्रिटिस सैनिकमा भर्ती हुने मनसाय बनाए । उनको गाउँमै ब्रिटिस सैनिकमा भर्ना गर्नका लागि गल्ला लागेको थियो । त्यसैबाट अरु साथीसँगै उनी पनि सैनिकमा छानिए र ब्रिटेनतिर लागे ।
सेनामा रहदाका यस्ता कयौँ घटना छन् जसलाई उनले कहिल्यै बिर्सिन सक्दैन । सैनिक जीवनमा उनी बोस्नियाहर्ज गोभिना, अफगानस्तानलगायत धेरै देशमा युद्धको लागि गए । सेनामा दक्ष र राम्रो फोर्सले युद्धमा अगाडिको कमाण्ड समाल्ने गथ्र्यो । उनी स्पेशल फोर्समा धेरै पटक काम गरे । धेरै पटक खतराबाट बाँचे । पछि ब्रिटेन सैनिकले जुनियर कमाण्डर हुँदा कार्यक्षेत्रमा उत्कृष्ट काम गरे बापत उनलाई अवार्डले सम्मान पनि गर्यो । उनले बिट्रिस सेनामा १८ वर्ष काम गरेपछि अवकाश लिए । अवकाशपछि आफ्नै देशमा केही गर्नु पर्छ भन्ने सोचसहित उनले ब्रिटिस गोर्खा नेपाल परिषद् खोलेको बताउँछन् । उनी स्कुल पढ्दा देखिनै राजनीतिमा चासो राख्थे । पारिवारिक वातावरण त्यस्तै थियो । गाउँमा साथीहरुसँग मिलेर क्लव खोलेका थिए । क्लबबाट गाउँमा विभिन्न कार्यहरु गरेका थिए । क्लबले समाजमा राजनीतिक र सामाजिक चेतना फैलाउन सहयोग गरेको थियो । बिट्रिस सेनामा हुदाँ पनि उनी सामाजिक र राजनीतिक गतीविधिबाट टाढा भएनन् । सेनामै बसेरै भएपनि विभिन्न संघसस्थालाई सहयोग गर्दै आए । सन् २०१५ मा नेपालीहरु बिट्रिस सेनामा गएको २०० वर्ष पुग्यो । सो अवसरमा उनले बिट्रिस गोर्खा परिषद स्थापना गरेको बताउछन् । ब्रिटिस सैनिकबाट अवकासपछि नेम्बाङले नेपालीहरुले भोगिरहेको समस्यालाई सम्बोधन होस भन्ने हेतुले ब्रिटिस गोर्खा नेपाल परिषद्को स्थापना गरे । ‘कलाकारिता, पत्रकारिता, साहित्य, संगीत र खेलकुदलाई राम्रो बनाउन यो सस्था खोलेका हौँ ।’ नेम्वाङ भन्छन् – ‘संसारभरी रहेको गोर्खाली र नेपालीहरुलाई एकताको सुत्रमा बाध्न पनि यो सस्थाले महत्वपूर्ण भूमिका खेल्छ ।’ परिषदले आफ्नो शाखा युइई, हङकङ लगायत अन्य देशमा खोलिसकेको छ । आगामी दिनमा कलाकारिता, पत्रकारिता, साहित्य, संगीत र खेलकुदमै योगदान दिनका लागि परिषद्ले कार्यक्रम गर्ने योजना बनाएको छ । अबको केही वर्षमा देश र देश विकासको लागि परिषद्ले धेरै योगदान गर्ने योजनामा रहेको नेम्वाङ बताउछन् । ब्रिटिस गोर्खा परिषद् गोर्खालीहरुको हितको लागि नभई देशको हितको लागि काम गर्ने नेम्वाङ उनको भनाई छ । उनी भन्छन् –‘यो परिषद् नेपालको सबै समुदायको हितको लागि खोलिएको हो । कुनै निश्चित वर्ग र समुदायको लागि हैन ।’ नेपाल आज डट्कमका लागि सागर बुढाथोकीले गरेको कुराकानीको सम्पादित आलेख bhumi bikram nembang british gorkha nepali parisad
