फागुन–२० । एथ्लेटिको मड्रिडका स्ट्राइकर फर्नान्डो टोरेस खेलको क्रममा घाइते भएका छन् । गएराती डेपोर्टिभो लाकोरुनासँग भएकोे खेलमा टोरेसलाई टाउकोमा चोट लागेको हो । अस्पतालमा उपचार गराइरहेका टोरेसको अवस्था स्थिर रहेको र उनी होसमा रहेको एथ्लेटिको मड्रिडले जनाएको छ । उनलाई गम्भीर चोट नभएको पुष्टि भएको क्लबले जनाएपनि उनलाई शुक्रबार अस्पतालमा जाँच गराउन बोलाइएको छ ।

---

टोरेसले उक्त घटना डर मात्र भएको र आफू खेलमा छिट्टै फर्किने विश्वास व्यक्त गरेका छन् । घटनामा पर्ने बित्तिकै दुवै टोलीका खेलाडी उनी तर्फ गएका थिए र सहयोगको लागि बोलाएका थिए । खेल भने १ –१ को बराबरीमा सकिएको छ । उनको स्वास्थ्य लाभको लागि उनले पहिले खेलिसकेका क्लब लिभरपुल, चेल्सी र अन्य खेलाडीहरुले कामना गरेका छन् । https://twitter.com/LFC/status/837441679317745669?ref_src=twsrc%5Etfw

एथ्लेटिको मड्रिड घाइते फर्नान्डो टोरेस