फागुन–२३ । इंग्लिस प्रिमियर लिगको जारी सिजनमा टोटनह्यामका स्ट्राइकर हेरी काने सर्वाधिक गोल गर्ने खेलाडी बनेका छन् । इभर्टनविरुद्ध आइतबार राति भएको खेलमा ३–२ को विजयीमा कानेले २ गोल गरेका थिए । उनले खेलको २० औं र ५६ औं मिनेटमा गोल गरेका थिए । उनको प्रिमियर लिगमा १९ गोल पुगेको छ । सन् २०१७ मा मात्र उनले लिग र कपको १२ खेलमा १४ गोल गरिसकेका छन् । कानेको उक्त गोल घरेलु मैदानमा १४ औं गोल थियो जुन प्रिमियर लिगको घरेलु मैदानमा गरेको सर्वाधिक गोल हो । कानेको उत्कृष्ट खेलका साथ टोटनह्यामले लगातार नौं खेलमा विजयी गरेको छ । टोटनह्याम अहिले प्रिमियर लिगको दोस्रो स्थानमा छ ।

इंग्लिस प्रिमियर लिग टोटनह्याम हेरी काने