फागुन–२५ । प्रथम रेडियो दिदि बहिनी कप राष्ट्रिय स्तरको महिला भलिबल प्रतियोगिता पर्वतको कुश्मामा सुरु भएको छ । उद्घाटन खेलमा एपीएफले नेपाल पुलिसलाई ३–० को सोझो सेटमा हराएको छ । लिगचरणको खेलमा एपीएफले पुलिसमाथी २५–१४, २५–१६ र २५–१७ को सहज जित निकाल्यो । न्यु डायमण्ड र पश्चिमाञ्चलबीचको दोश्रो खेल स्थगित भएको छ । न्यु डायमण्डले २५–३ र २५–१५ ले दुई सेट आफ्नो पक्षमा पारेको थियो । तेश्रो सेटमा पनि न्यु डायमण्डले १९–१४ को अग्रता लिएको अवस्थामा हावा–पानीका कारण मौसम प्रतिकुल भएकाले खेल स्थगित गरिएको हो । प्रतियोगीताको विजेताले एक लाख रुपैयाँ र उपविजेताले ६० हजार रुपैया प्राप्त गर्नेछ ।

प्रथम रेडियो दिदि बहिनी कप महिला भलिबल राष्ट्रिय स्तर