फागुन–२६ । टुबर्ग दोस्रो नेपालगन्ज गोल्डकप फुटबल प्रतियोगिता बिहीबारबाट सुरु भएको छ । नेपालगन्जमा बाँके जिल्ला फुटबल संघको आयोजनामा सुरु भएको गोल्डकप पश्चिम नेपालकै सर्वाधिक पुरस्कार राशीको प्रतियोगिता हो । उद्घाटन खेलमा सुदूरपश्चिमले भारतको दिल्ली युनाइटेडलाई १–० ले पराजित गरेको छ । सुदूरपश्चिमका लागि एरोनले खेलको २० औं मिनेटमा गरेको गोल नै निर्णायक गोल बन्यो । नकआउट खेलमा भारतीय टोली प्रतियोगिताबाट बाहिरिएको छ । शुक्रबार भने नेपाल पुलिस क्लब र आयोजक टोली नेपालगंज–११ बीच खेल हुनेछ । प्रतियोगितामा ए डिभिजन क्लब लगायत ८ टोलीको सहभागिता छ । गत वर्ष १ लाख ५१ हजार रहेको राशी पुरस्कारलाई बढाएर विजेता टोलीलाई ५ लाख र उपविजेता टोलीलाई २ लाख ५१ हजार नगद पुरस्कार प्रदान गरिने बताइएको छ ।

दोस्रो नेपालगन्ज गोल्डकप बाँके जिल्ला फुटबल संघ सुदूरपश्चिम